Yever သည် စီးပွားရေးအကြံပေးခြင်းများ လုပ်ဆောင်သည့်ကုမ္ပဏီတစ်ခု ဖြစ်သည်။

အကြံပေးခြင်းအလုပ်သည် နေ့စဥ်ဘဝတွင် သာမာန်အလေ့အကျင့်တစ်ခုသာ ဖြစ်ပါသည်။သို့သော် အကြံဉာဏ်များ၊ ညွှန်ကြားချက် မတောင်းခံဖူးသူ ရှိမည်မဟုတ်။ “အကြံပေး” ဆိုသည်မှာ အဖွဲ့အစည်း၊ ၎င်း၏လုပ်ငန်းပတ်ဝန်းကျင်နှင့် ဂေဟစနစ်များ အကြား စေ့စပ်ညှိနှိုင်းပေးသူဟု ကျွန်ုပ်တို့အနေဖြင့် ယုံကြည်ပါသည်။ အကြံပေးတစ်ယောက်ထံမှ ရှုထောင့်မျိုးစုံမှ ဝေဖန်ထောက်ပြခြင်းများကိုလည်း ရရှိနိုင်သည်။

အကြံပေးတစ်ဦး၏ အခန်းကဏ္ဍသည် ရိုးရှင်းပါသည်။ မြန်မာ့စီးပွားရေးလုပ်ငန်းများ ရေရှည်တည်တံ့ခိုင်မြဲရေး၊ တာဝန်ယူမှု တာဝန်ခံမှုရှိရေးတို့အတွက် လက်ရှိစီးပွားရေး အသိုက်အဝန်း၏ အနေအထားကို လေ့လာပြီး ပြုပြင်ပြောင်းလဲရန် လိုအပ်သော အဓိကအချက်များကို ဖော်ထုတ်ပေးခြင်းဖြင့် ကုမ္ပဏီများကို မှန်ကန်သောဆုံးဖြတ်ချက်များ ချမှတ်နိုင်ရန် ကူညီပေးခြင်းသာဖြစ်သည်။

ရေရှည်တည်တံ့ခိုင်မြဲ၍ တာဝန်ယူမှု၊တာဝန်ခံမှုရှိသော စီးပွားရေးဆိုသည်မှာ မည်သည်နည်း။

စီးပွားရေးလုပ်ငန်းတိုင်း၏ အခြေခံမူသည် အကျိုးအမြတ်ရရှိရန် ဖြစ်သည်။ သို့သော် အချို့သောစီးပွားရေးလုပ်ငန်းများ သည် အကျိုးဖြစ်ထွန်းအောင် လုပ်ဆောင်ရာ၌ အထူးဂရုပြုခြင်းဖြင့် အခြား‌သောလုပ်ငန်းများထက်ပို၍ တာဝန်ယူမှုရှိကြောင်း ပြသလျက်ရှိကြသည်။ ၎င်းလုပ်ငန်းများသည် ရေရှည်တည်တံ့သော လုပ်ငန်းတန်ဖိုးများကို ဖန်တီးနိုင်ပြီး လုပ်ငန်းသက်ဆိုင်သူများအား အကျိုးများစွာဖန်တီးပေးနိုင်မည့် စီးပွားရေးဂေဟစနစ်တစ်ခု တည်ဆောက်နိုင်ရန် ကြိုးစားလုပ်ကိုင်သောကြောင့် ဖြစ်သည်။ ထိုစီးပွားရေးများသည် အကျိုးသက်ဆိုင်သူအားလုံးပါဝင်ပြီး တာဝန်ခံမှု အပြည့်အဝရှိသည့်အပြင် ပွင့်လင်းမြင်သာမှုလည်း ရှိကြသည်။ သို့သော် မျှဝေခံစားနိုင်သည့် တန်ဖိုးများဖန်တီးခြင်းကို မည်သို့ အဓိပ္ပာယ်ဖွင့်နိုင် မည်နည်း။ မျှဝေခံစားနိုင်သည့် တန်ဖိုးများဖန်တီးခြင်းဆိုသည်မှာ စီးပွားရေးဖွံဖြိုးတိုးတက်မှုအတွက် အကျိုးအမြတ်များရရှိရေး၊ တိုင်းပြည်အတွက်မျှတသော အခွန်စရိတ်များ ပေးဆောင်နိုင်ရေး၊ မိမိဝန်ထမ်းများအတွက် ကောင်းမွန်သော လုပ်ငန်းပတ်ဝန်းကျင်တစ်ခု ဖန်တီးပေးနိုင်ရေး၊ ဖြန့်ဝေသူများ၊ ဒေသခံလူ့အဖွဲ့အစည်းများနှင့် မျှတစွာချိတ်ဆက်ဆွေးနွေးနိုင်ရေး တို့ဖြစ်သည်။ ခိုင်မာ၍သာလွန်ကောင်းမွန်သည့် မြန်မာနိုင်ငံတည်ဆောက်ရာတွင် ရေရှည်တည်တံ့ပြီး တာဝန်ယူမှု၊ တာဝန်ခံမှုရှိသော စီးပွားရေးစနစ်သည် အရေးပါကြောင်း ယုံကြည်ပါသည်။ ထိုသို့ အကောင်အထည်ဖော်လုပ်ဆောင်နိုင်ရန် ကျွန်တော်တို့၏ ကျွမ်းကျင်မှုများနှင့် အထောက်အကူပြုနည်းစနစ်များဖြင့် ပံ့ပိုးပေးနိုင်ရန် ကြိုးစားလျက်ရှိသည်။

Yever မှ ဆောင်ရွက်လျက်ရှိသည့် ဝန်ဆောင်မှုများ

စီးပွားရေးစနစ်များအသွင်ကူးပြောင်းမှု

စီးပွားရေးစနစ်များအသွင်ကူးပြောင်းမှု

လုပ်ငန်းများအနေဖြင့် အောင်မြင်သောလမ်းကြောင်းပေါ်၌ ‌ရေရှည်တည်တံ့စွာ လျှောက်လှမ်းနိုင်ရန် လိုအပ်သည့် စီးပွားရေးစနစ်များအဖြစ် အသွင်ကူးပြောင်းစေမည့် နည်းဗျူဟာများအား လုပ်ငန်းရှင်များနှင့် အတူအတကွပုံဖော်ခြင်း၊ ချမှတ်တည်ဆောက်ခြင်းနှင့် လက်တွေ့အကောင်အထည်ဖော်ခြင်း အစရှိသည့် ဝန်ဆောင်မှုများကို ကူညီဆောင်ရွက်ပေးနေပါသည်။

ဆိုလိုသည်မှာ လူကြီးမင်းတို့လုပ်ငန်းများ၏ အကျိုးသက်ဆိုင်သူများအနေဖြင့် အလိုရှိသည့်၊ လိုအပ်နိုင်ဖွယ်ရှိသည့် အချက်များနှင့် ၎င်းလိုအပ်ချက်များကို ဖြည့်တင်းနိုင်ရေး မည်သို့အောင်မြင်အောင်လုပ်ဆောင်ကြမည်ကို ရှာဖွေဖော်ထုတ်ရန် အားပေးကူညီခြင်းဖြစ်သည်။ Yever အနေဖြင့် လူကြီးမင်းတို့၏ လုပ်ငန်းစဉ်ပြောင်းလဲခြင်းဆိုင်ရာ နယ်ပယ်များနှင့် ၎င်းတို့၏ အတိမ်အနက်တို့ကိုသတ်မှတ်ခြင်း၊ ကုမ္ပဏီတွင်း လုပ်ငန်းစဉ်များ၊ လုပ်ငန်းဆောင်တာများနှင့် သက်ဆိုင်ရာဧရိယာများကို ပြန်လည်ပုံစံချရေးဆွဲခြင်းနှင့် ကုမ္ပဏီလုပ်ငန်းစဉ်ပြောင်းလဲခြင်းအား အကောင်အထည်ဖော်ခြင်းများကို ကူညီ ဆောင်ရွက်ပေးလျက်ရှိသည်။
ကော်ပိုရိတ်ဆိုင်ရာအုပ်ချုပ်မှု

ကော်ပိုရိတ်ဆိုင်ရာအုပ်ချုပ်မှု

ကုမ္ပဏီများ၏အကျိုးသက်ဆိုင်သူများသည် ခိုင်မာသည့် ကော်ပိုရိတ်ဆိုင်ရာတာဝန်ယူမှု အလေ့အကျင့်ကောင်းများအား အခြေခံသည့် ပွင့်လင်းမြင်သာမှု၊ တာဝန်ယူမှုတာဝန်သိမှုရှိသော အဖွဲ့အစည်းများကိုအလိုရှိကြသည်၊ လက်တွဲလုပ်ကိုင် လိုကြသည်။ ပွင့်လင်းမြင်သာမှု၊ တာဝန်ယူမှုတာဝန်သိမှုသည် ယနေ့ခေတ်တွင် မဖြစ်မနေလိုအပ်သည့် အချက်များဖြစ်သကဲ့သို့ လုပ်ငန်းလုပ်ပိုင်ခွင့်လိုင်စင်အား ကာကွယ်ပေးရာ ရောက်သည်။

ဆိုလိုရင်းမှာ Yever အနေဖြင့် အထက်ပါအချက်များနှင့်ကိုက်ညီမှုရှိသည့် ကော်ပိုရိတ်ဆိုင်ရာအုပ်ချုပ်မှုစံနှုန်းများနှင့် လုပ်ထုံးလုပ်နည်းများကို လူကြီးမင်းတို့နှင့်အတူတကွ ပူးပေါင်းတည်ဆောက်ပေးမည်ဖြစ်သည်။ ကျွန်ုပ်တို့သည် လူကြီးမင်းတို့ လုပ်ငန်းအတွင်းရှိ အဖွဲ့အစည်းအသီးသီးတို့၏ လက်ရှိလုပ်ဆောင်နေသောအလေ့အကျင့်များနှင့် ရှိသင့်သည့် အလေ့အကျင့်ကောင်းများအကြား ကွာဟချက်များကို နှိုင်းယှဉ်ဖော်ထုတ်ပေးခြင်း၊ ကော်ပိုရိတ်ဆိုင်ရာတာဝန်များအား အရည်အသွေးမြှင့်တင်ရန် လုပ်ငန်းစဉ်ဆောင်ရွက်မှုလမ်းကြောင်းများ၊ ပြဿနာများဖြေရှင်းမှုဆိုင်ရာ စီမံခန့်ခွဲမှုများနှင့် အဖွဲ့အစည်းအတွင်းရှိ အုပ်ချုပ်မှုဆိုင်ရာစနစ်များကို ကုမ္ပဏီတစ်ခုချင်းစီအလိုက် သီးသန့်ဖွဲ့စည်းမှုများအပေါ် ကူညီဆောင်ရွက်ပေးနေသည်။
လုပ်ငန်းစွမ်းဆောင်ရည်မြှင့်တင်မှု

လုပ်ငန်းစွမ်းဆောင်ရည်မြှင့်တင်မှု

မြန်မာနိုင်ငံ၏ စီးပွား‌ရေးအသိုက်အဝန်းသည် စိန်ခေါ်မှုတစ်ရပ်ဖြစ်ရာ ကုမ္ပဏီများသည် ‌ရေရှည်တည်တံ့၍ ဟန်ချက်ညီသည့် စွမ်းဆောင်ရည်ပိုင်းဆိုင်ရာ အဓိကလှုံ့ဆော်ပေးသည့် သော့ချက်များကို ရှာဖွေဖော်ထုတ်ရန် ကြိုးပမ်းလျက် ရှိကြသည်။

Yever သည် လူကြီးမင်းတို့၏ကုမ္ပဏီအတွင်း အခက်အခဲဖြေရှင်းမှုဆိုင်ရာ စီမံခန့်ခွဲမှုများကိုထိရောက်မှုရှိစေရန်၊ မှန်ကန်သော ဆုံးဖြတ်ချက်များချမှတ်ရေးလုပ်ငန်းစဉ်များ တိုးတက်စေရန်၊ မိမိတို့၏စီးပွားရေးဆိုင်ရာ ကွင်းဆက်တန်ဖိုးများ (စီးပွားဖက်များအကြား တန်ဖိုးများဖန်တီးခြင်း) ကို စောင့်ကြပ်ကြည့်ရှုရန် သို့မဟုတ် အလားအလာရှိသည့် စီးပွားရေးကျင့်ဝတ်ဆိုင်ရာပြဿနာများကို ကိုင်တွယ်ဖြေရှင်းရန်တို့အတွက် မှန်ကန်သောအချက်အလက်များ စုဆောင်းပေးခြင်း၊ ခွဲခြမ်းစိတ်ဖြာလေ့လာပေးခြင်းနှင့် အတွေးအမြင်များပေးခြင်းတို့ကို ပံ့ပိုးပေးလျက်ရှိသည်။
သတင်းအချက်အလက်များ စနစ်တကျချိတ်ဆက်ထုတ်ပြန်မှု

သတင်းအချက်အလက်များ စနစ်တကျချိတ်ဆက်ထုတ်ပြန်မှု

Yever သည်ကုမ္ပဏီများ၏ ကော်ပိုရိတ်ဆိုင်ရာ သတင်းပေးဆက်သွယ်မှုများသည် ၎င်းတို့၏ရင်းနှီးမြှပ်နှံသူများနှင့် အခြားသော အကျိုးသက်ဆိုင်သူများအတွက် ယုံကြည်စိတ်ချရပြီး အကျိုးထိရောက်မှုရှိကြောင်း သေချာစေရန် ကူညီလုပ်ဆောင်ပေး လျက်ရှိသည်။

ထိုသို့ဆိုရာတွင် သတင်းအချက်အလက်များ စနစ်တကျချိတ်ဆက်ထုတ်ပြန်ခြင်းအတွက် အကောင်းဆုံးချဉ်းကပ်မှုပုံစံများကို လူကြီးမင်းတို့နှင့် အတူတကွဖန်တီးလုပ်ဆောင်ခြင်းသာ ဖြစ်သည်။ ထိုသို့ဆောင်ရွက်ရာတွင် မည်သည့် သတင်းအချက်အလက်များကို ထုတ်ဖော်ပြသမည်၊ မည်သည့်မိတ်ဖက်များသည် မိမိတို့ကုမ္ပဏီ၏ကော်ပိုရိတ်ဆိုင်ရာ စံတန်ဖိုးများနှင့်အညီ အချက်အလက်များအား မျှော်လင့်ထားသည့်အတိုင်း ပေးအပ်လျက် မိမိတို့ပေးချင်သည့်အဓိက သတင်းအချက်အလက်များကို ဖြန့်ဝေပေးမည်ကို ဆုံးဖြတ်လုပ်ဆောင်ပေးခြင်းများပါဝင်သည်။

Yever မှ ဆောင်ရွက်လျက်ရှိသည့် ဝန်ဆောင်မှုများ

စီးပွားရေးစနစ်များအသွင်ကူးပြောင်းမှု

စီးပွားရေးစနစ်များအသွင်ကူးပြောင်းမှု

ကော်ပိုရိတ်ဆိုင်ရာအုပ်ချုပ်မှု

ကော်ပိုရိတ်ဆိုင်ရာအုပ်ချုပ်မှု

လုပ်ငန်းစွမ်းဆောင်ရည်မြှင့်တင်မှု

လုပ်ငန်းစွမ်းဆောင်ရည်မြှင့်တင်မှု

သတင်းအချက်အလက်များ စနစ်တကျချိတ်ဆက်ထုတ်ပြန်မှု

သတင်းအချက်အလက်များ စနစ်တကျချိတ်ဆက်ထုတ်ပြန်မှု